2008/11/16 Kau Keng Shan

Global Positioning System (GPS) 真係超級好用, 加上速度超快的小巴, 比我預計早了到達屯門黃金海岸 9.50am

所以扮遊客行了一個圈, 玩過ATM, 隨後轉身, Yat突然的出現...

悠閒的到了McDonald's坐一會, 睇睇相, 後兩條友向九徑山(Kau Keng Shan)出發

行山一詞從Yat口中說出的話, 行山定義暫時要改寫, 都唔可以用腳行的...

雖然心裡有這個準備, 但係行動準備上, 就是沒準備得好好...

所以當進去第一條路, 跳了幾塊大石後, 我的確淆底, 確認到跑鞋確是食不到力, 唔到我唔淆底, 如強行繼續走, 上到去都煎熟左, 駁唔過... 對於Yat就當然輕鬆有何難度... 只不過是當作陪我逛街的吧, 哈哈
好啦, 唯有走另一條路啦, 在一個分岔口前, 決定不了, 給有經驗的人下決定吧

攀石澗水, 加上猛烈的太陽, 體力消耗得好快

玩了一個多小時後, 到了一塊大石上休息, 坐了下來聊聊天 12.30pm

雖然太陽好猛, 勝在有一陣陣的涼風, 所以都可以坐上半個小時

反而我會幾喜歡這個時刻, 在這樣的環境下兩條友傾計, 都幾特別, 工作, 經濟, 外出玩樂等話題都會講一下

接著不久攀過一段路, 屌詭的整件衫就好比被人鞭打完畢, 手腳都多了大少的傷痕, 實在太有浪子Feel

而最後還是沒有攻上最高點, 曬死, 找到一大石背後, 塞個麵包下肚, 後來Yat攻上了那大石上, 小弟佩服佩服...

開始下山, 看到特別的大石隨便走上去影影相, 可惜太斜太平滑的, 我還未有能力行上去攀上去...

當跳下山時, 其實我都有少許擔心隻腳趾甲, 會否再一下子再次分離, 如果真係, 心情必定灰爆...

2.30pm 已經回到麥理浩徑, 再走到涼亭下乘涼大休, 3.30pm 再回黃金海岸, 因為實在太想要一枝冰凍的飲料

由朝早黃金海岸, 下午回到黃金海岸, 其間兩條出生於同月同日的友仔, 聊天傾計, 隨便說都有不少的話題, 感覺就好像好熟悉似的, 加上分別在不同時間在澳洲生活過, 現在又回到香港工作, 人生呀...

我相信如果再玩多幾次這樣的玩意, 當我去到得心應手的地步, 世界上好快便會多一個癲人, 行山都唔係行的...

小欖燒烤場, 第一次到這種形式的燒烤場, 平日燒野食, 都是朋友們買好東西到我家玩的

竟然遇到在澳洲有一次通話的 康, 要不然我已經忘記了這回事...

由於我的確會抗拒在閃光燈下拍照, 原因不詳, 除非我唔知道給閃了一下外, 請盡量關了閃光燈吧

回家洗澡, 原來腳上除了肉眼可見的兩大條傷痕外, 雙腿還有不少一絲絲的傷痕, 簡直就是爽死, 我喜歡, 不過第二日已經好返了...